اسلام آباد۔8فروری (اے پی پی):وفاقی وزیر مواصلات مراد سعید آکھیے جو تحریک انصاف معیشت کوں آئی سی یو توں کڈھ تے ترقی دے رستے ٹور ݙتے ، سٹیل ملز، ریلوے اتے پوسٹ آفس جیہے ادارے ماضی اچ گھاٹے وچ ہن ، موجودہ حکومت انہاں کوں خسارے توں کڈھیندی پئی اے ، نواز شریف ہمیشہ وزارت مواصلات اپݨے کنے رکھیندے ہن ، انہاں سڑکاں دے پیسے توں ہی لندن اچ جائیداداں بݨائن ، تحریک انصاف دے دور اچ این ایچ اے دے ریونیو اچ 103 ارب روپے دا ودھارا تھئے، اپوزیشن عوامی معاملات تے سنجیدہ کائنی ، ملک دا خزانہ لٹݨ آلا ٻاہرلے ملک اچ بیٹھے ، ایندے توں وی پچھیا ونڄݨا چاہیدے ۔ منڳل کوں سینیٹ اجلاس اچ اپوزیشن دے واک آئوٹ تے ڳال کریندے ہوئیں انہاں آکھیے جو وزرا پوری تیاری دے نال آندن ، اساں اپوزیشن اچ ہاسے تاں انہاں دے وزرا جواب ݙیوݨ کیتے موجود نہ ہوندے ہن ۔
