اسلام آباد۔8فروری (اے پی پی):وفاقی وزیر اطلاعات و نشریات چوہدری فواد حسین آکھیے جو اڄ کابینہ دا اجلاس منسوخ کرݙتا ڳئے ، وزیراعظم تے آرمی چیف اڄ دا ݙینھ بلوچستان اچ سکیورٹی فورسز دے جواناں دے نال گزریسن ۔ منڳل کوں آپݨے ھک ٹویٹ اچ انہاں آکھیے جو سیکورٹی فورسز دے جوان جنہاں دے عزم پہاڑاں توں اچے تے جذبیں اچ سمندراں توں ودھ وسعت اے ساݙا فخر وی ہن اتء ساݙا ماݨ وی ، پاکستان دے اے پتر مادر وطن کیتے سربکف ہن ۔
