اسلام آباد۔9فروری (اے پی پی):وفاقی وزیر بحری امور علی زیدی آکھیے جو ملکی ترقی کیتے سندھ دے جزائر تے ترقیاتی منصوبے شروع کرݨ دی لوڑھ اے ، ٻدھ دے ݙینھ وفاقی وزیر بحری امور علی زیدی این ای ڈی یونیورسٹی دا دورہ کیتے جتھاں طلباء انہاں کوں منوڑہ، بابا، بڈو اتے بھٹ آئی لینڈ تے تصوراتی منصوبہ بندی تے بریفنگ ݙتی ۔دورہ دی دعوت یونیورسٹی دے ڈپارٹمنٹ آف آرکٹیکچر اتے مینجمنٹ سائنس دی طرفوں ݙتی ڳئی ہئی ، ایں موقع تے علی زیدی ڳال مہاڑ کریندے ہوئیں آکھیے جو مغربی جزائر تے طلباء دے تصوراتی منصوبے قابل تعریف ہن،ساݙے ملک دے نینگر اڄ ایں شعبے اچ ملک دا نام روشن کریندے پئن ۔ساݙے طلباء ہر جاہ صلاحیتاں دا لوہا منوائے ۔علی زیدی آکھیے جو جزائر تے ترقیاتی منصوبیں توں ملک اچ معاشی ترقی دے رستے ہموار تھیسن ۔
