راولپنڈی۔11فروری(اے پی پی)پاکستان آرمی اتے ایف سی ولوں سابقہ خاصہ دار اتے لیویز اہلکاراں دی تربیت دا چوتھا اتے چھیکڑی مرحلہ قبائلی اضلاع باجوڑ، مہمند اتے خیبر اچ مکمل تھی ڳئے۔ اے اہلکار ہݨ خیبرپختونخوا دی باقاعدہ پولیس فورس اچ شامل تھیسن۔ تربیتی پروگرام حکومتی پالیسی دے تحت تھئے جیندے اچ نویں ضم شدہ اضلاع دے سابق خاصہ دار اتے لیویز دے 20 ہزار اہلکاراں کوں پاک فوج اتے ایف تربیت ݙتی اے۔ تربیت اچ مختلف ہتھیاراں دا استعمال، بارودی سرنگاں اتے آئی ای ڈی ڳولݨ، پبلک ڈیلنگ، پولیسنگ، سرچ آپریشنز، انسداد دہشت گردی آپریشنز اتے جسمانی فٹنس شامل ہن۔ پاسنگ آؤٹ پریڈ اچ میجر جنرل عادل یامین، انسپکٹر جنرل فرنٹیئر کور نارتھ، خیبر پختونخوا مہمان خصوصی ہن۔
