لاہور۔16فروری (اے پی پی):وزیراعظم عمران خان نال وزیراعلیٰ پنجاب سردار عثمان بزدار ملاقات کیتی۔ وزیراعظم آفس دے میڈیاونگ توں جاری بیان موجب ملاقات اچ چیف سیکرٹری پنجاب کامران علی افضل اتے آئی جی پنجاب راؤ سردار علی خان وی شرکت کیتی۔ ملاقات اچ صوبہ پنجاب دی سول انتظامیہ تے امن و امان متعلق امورتے ڳال مہاڑ کیتی تے ترقیاتی منصوبیں دی پیشرفت تے بریفنگ ݙتی ڳئی ۔وزیراعظم صوبے اچ عام آدمی کوں فوری اتے موثر خدمات دی فراہمی کیتے بھرپوراقدامات کرݨ دی ہدایت کیتی ، انہاں عوام دے جان و مال اتے مفادات دے تحفظ کیتے شرپسنداں، ذخیرہ اندوزاں تے قبضہ مافیا دے خلاف وی موثر اقدامات کرݨ دی ہدایت کیتی ۔
