دبئی۔17فروری (اے پی پی) وزیر خارجہ مخدوم شاہ محمود قریشی خمیس کوں دوبئی ایکسپو 2020 اچ پاکستانی پویلین دا دورہ کیتا۔ متحدہ عرب امارات اچ پاکستان دے سفیر افضال محمود، دوبئی اچ پاکستان دے قونصل جنرل حسن افضل خان اتے ڈائریکٹر پویلین رضوان طارق ، وزیر خارجہ دا خیر مقدم کیتا۔ ڈائریکٹر پویلین ، وزیر خارجہ کوں پاکستانی پویلین دے ڈیزائن اتے خدوخال بارے مفصل بریفنگ ݙتی۔ پویلین کوں پاکستان دی تاریخ، ثقافت اتے سیاحت سودھے مختلف حصیاں اچ ونڈیا ڳئے۔ ہݨ تئیں ݙاہ لکھ دے نیڑے لوک ایکسپو 2020 اچ پاکستانی پویلین دا دورہ کیتے۔ وزیر خارجہ ، پویلین دے ڈیزائن اتے سوھݨپ دی تعریف کیتی اتے انتظامیہ کوں مبارخ ݙتی۔
