اسلام آباد۔18فروری (اے پی پی):وفاقی وزیر اطلاعات چوہدری فواد حسین کراچی اچ سینئر صحافی اطہر متین دے قتل تے افسوس دا ا ظہار کریندے ہوئیں متاثرہ خاندان نال دلی تعزیت کیتی اے ۔ جمعے کوں وزیر اطلاعات آپݨے بیان اچ آکھیے جو پی پی پی دی حکومت کراچی اچ لا اینڈ آرڈر کنٹرول کرݨ اچ بری طرح ناکام رہی۔اندرلے سندھ وی صحافیاں تے آئے ݙینھ حملے تھیندےپئن۔ انہاں آکھیے جو تحریک انصاف دی حکومت قلم اتے مائیک کوں تحفظ ݙیوݨ کیتے اقدامات کریندی پئی اے ۔کراچی کوں سیف سٹی بݨاوݨ کیتے ٹیکنالوجی دا استعمال نا گزیر اے۔ انہاں آکھیے جو متاثر خاندان دے ݙکھ اچ برابر دے شریک ہیسے اللہ تعالیٰ اطہر متین کوں جوار رحمت اچ جاہ ݙیوے ۔
