لاڑکانہ۔16مئی (اے پی پی) وفاقی وزیر تخفیف غربت تے سماجی تحفظ شازیہ عطا مری کراچی دے علاقے صدر اچ دھماکے دے واقعے تے افسوس کریندے ہوئیں ایندی مذمت کیتی اے ۔ شازیہ مری آپݨے ھک بیان اچ آکھیے جو کراچی دے علاقے صدر، مرشد بازار اچ دھماکے دے افسوسناک واقعے دی پرزور مذمت کریندوں تے ملک اچ ایں قسم دی دہشت گردی دے مجرمانہ اقدامات کوں مسترد کریندوں ۔ وفاقی وزیر دا آکھݨ ہئی جو ملک دےامن کوں تباہ کرݨ آلے تے جرائم پیشہ عناصر دے خلاف بلاتفریق سخت کاروائی عمل اچ گھن آئی ویسی ، انہاں دھماکے اچ جاں بحق تھیوݨ آلے لوکاں کیتے مغفرت تے لواحقین کیتے صبردی دعا کیتی ۔
