اسلام آباد۔16مئی (اے پی پی):وزیراعظم محمد شہبازشریف آکھیے جو موسمیاتی تبدیلی متعلق ٹاسک فورس غذا و پاݨی دی گھٹکی توں بچݨ تے جنگلات دے تحفظ کیتے جامع حکمت عملی اتے اقدامات کریسی، سنوار کوں آپݨے ٹویٹ اچ انہاں آکھیے جو موسمیاتی تبدیلی کوں سامݨے رکھیندے ہوئیں ماہرین تے ٹاسک فورس بݨائی ویندی پئی اے جیڑھا جو شسپر گلیشئیر جیہے واقعات توں مسقبل اچ بچݨ، غذائی اتے پاݨی قلت توں بچݨ کیتے مؤثراقدامات، موجودہ ذخائر دی حفاظت اتے جنگلات دے تحفظ کیتے جامع حکمتِ عملی اتے اقدامات کریسی ۔ انہاں آکھیے جو پاکستان موسمیاتی تبدیلی دے خطرے توں ݙوچار تھیوݨ آلے ملکاں اچ پنجویں نمبر تے ہے۔ پاݨی گھٹ تھیوݨ دے خطرے دا براہِ راست اثر پاکستان دی زراعت تے ہے تے ایں ضمن اچ حکومت ہر ممکن اقدامات کریسی ۔ پاݨی کوں بچاوݨ تے ایندے ضیان کوں روکݨ کیتے اساں ساریں کوں آپݨا انفرادی کردار وی نبھاوݨاں ہوسی ۔
