عوام سارا کڄھ ڄاݨدن، آپݨے مجرم دی سݨڄاݨ رکھیندن، معاشی تباہی دا چہرہ صرف عمران خان اے، وفاقی وزیر اطلاعات تے نشریات مریم اورنگزیب ، مسلم لیگ (ن) اتے پی ٹی آئی دے دور اچ معاشی ،اقتصادی اتے شہیں دے نرخاں داموازنہ جاری کر ݙتا

اسلام آباد۔16مئی  (اے پی پی) وفاقی وزیر اطلاعات تے نشریات مریم اورنگزیب آکھیا جو عوام سارا کڄھ ڄاݨدن، آپݨے مجرم دی سݨڄاݨ رکھیندن، معاشی تباہی دا چہرہ صرف عمران خان اے۔ نواز شریف اتے شہباز شریف دے دور اچ ہمیشہ مہانگ ڳھت تھئی اتے کرپشن ڳھٹ تھئی اے۔ نواز شریف، شہباز شریف اتے پاکستان مسلم لیگ (ن) ہمیشہ عوام کوں ریلیف ݙتے۔ عمران خان معاشی جرائم دی سزا پاکستان دی عوام کوں نی ݙیوݨ چاہندے۔ سنوار کوں آپݨے ہک بیان اچ انہاں آکھیا جو پٹرول دے نرخ ودھاوݨ سوکھا اے پر عوام کوں ٻئی تکلیف توں بچاوݨ چاہندوں۔ عوام ٻئی غریب نہ تھیوے، انہاں تے ٻیا ٻوجھ نہ پووے، ایں کیتے پٹرول دے نرخ نی ودھیندے پئے۔ عوام سارا کڄھ ڄاݨدن، آپݨے مجرم دی سݨڄاݨ رکھیندن، معاشی تباہی دا چہرہ صرف عمران خان اے۔