اسلام آباد۔18مئی (اے پی پی) وزیرِ اعظم شہباز شریف نال وزیرِ اعلی سندھ سید مراد علی شاہ بدھ کوں ملاقات کیتی۔ وزیراعظم آفس دے میڈیا ونگ توں جاری بیان موجب ملاقات اچ وزیراعظم کوں سندھ دی انتظامی اتے امن و امان دی صورتحال تے تفصیلی بریفنگ ݙتی ڳئی۔ وزیراعظم کوں کراچی اچ گزریل ݙینھ تھیوݨ آلے دہشت گردی دے واقعے تے بریفنگ ݙتی ڳئی۔ ایں موقع تے وزیراعظم آکھیا جو شرپسند عناصر کوں کراچی دا امن و امان خراب کرݨ دی موکل کائنا ݙیسوں۔ ملاقات اچ اتفاق کیتا ڳیا جو کراچی دی ترقی تے خوشحالی کیتے وفاقی تے صوبائی حکومت نال تعاون کریسی۔
