اسلام آباد۔22مئی (اے پی پی) وفاقی وزیر برائے انسانی حقوق ریاض حسین پیرزادہ آکھیا جو غیر قانونی طور تے بھارت دے زیرتسلط جموں تے کشمیر اچ کیتے ڳئے بھارتی ظلم تے دنیا چُپ اے، حریت رہنما یاسین ملک تے بھارتی مظالم دے خلاف پوری دنیا اچ آواز چیسوں۔ انسانی حقوق کونسل سودھے ٻئے عالمی فورمز تے یاسین ملک تے کیتے ڳئے بھارتی ظلم بارے آواز چاتی ویسی، یاسین ملک کشمیریاں دی تحریک دی قیادت کریندے پئن جئیں دی اناہں کوں سزا ݙتی ویندی پئی اے۔ اے ڳالھیں انہاں اتوار کوں حریت رہنما یاسین ملک دی اہلیہ مشعال ملک دے رَلے پریس کانفرنس اچ آکھی۔انہاں آکھیا جو اساݙے نبیﷺ ظالم اتے مظلوم ݙوہیں دی مدد کرݨ کوں آکھیا جو صحابہ پچھیا جو ظالم دی کینویں مدد کیتی ونڄے تاں آپﷺ فرمایا جو ظلم کرݨ آلے دا ہتھ سختی نال مروڑ ݙتا وںجے۔ انہاں آکھیا جو حریت رہنما یاسین ملک تے بھارتی مظالم دے خلاف پوری دنیا اچ آواز چیسوں۔
