بہاولپور مسلم لیگ ن دا قلعہ اے، مسلم لیگ ن بحالی صوبہ بہاولپور اتے جنوبی پنجاب کیتے اپݨے دور میں قرارداد منظور کراچکی اے، وفاقی وزیر داخلہ  رانا ثنا اللہ

احمدپورشرقیہ۔23مئی(اے پی پی)وزیر داخلہ رانا ثنا اللہ آکھیے جو بہاولپور مسلم لیگ ن دا قلعہ اے، مسلم لیگ ن بحالی صوبہ بہاولپور اتے جنوبی پنجاب کیتے اپݨے دور میں قرارداد منظور کراچکی اے، کارکانں دے مسلے ہک پاسے نئیں سٹیے ونڄ سڳدے، بہاولپور اچ مریم نواز دا جلسہ کامیاب تھیسی۔ اے ڳالھ انہاں لیگی رہنما چوہدری سعودمجید دی ڄاہ تے کارکناں نال ملݨ ویلھے آکھی۔ سابق مشیر وزیراعظم چوہدری سعود مجید، سابق وفاقی وزیر و نامزد گورنرپنجاب میاں بلیغ الرحمٰن، سابق ایم پی اے عدنان فرید قاضی، ڈویژنل صدرمسلم لیگ ن یوتھ ونگ چوہدری سعدمسعود، مسلم لیگی رہنما فیاض احمد اتے ٻعے وی موجود ہن۔ راناثناء اللہ آکھیا جو مسلم لیگ ن عوام دا خادم جماعت اے، 28 مئی یوم تکبیر مسلم لیگ ن دی فتح دا ݙینھ اے۔ ہک سوال دے ولدے اچ انہاں آکھیا جو مسلم لیگ اپݨی پچھلی حکومت اچ بہاولپور صوبہ بحالی اتے جنوبی پنجاب صوبے کیتے ݙوترہائی اکثریت نال قرارداد منظور کراچکی اے کیون جو بہالپور پہلے وی ریاست ہئی جیکر او اپݨا انڄھ صوبہ بحال کرݨ چاہندن تاں ساکوں کیا عتراض تھی سڳدے۔