اسلام آباد۔25مئی (اے پی پی) وزیراعظم شہبازشریف خیبرپختونخوا پولیس دے سب انسپکٹر سحر گل دی شہادت تے افسوس کیتے ۔ وزیراعظم آفس دے میڈیا ونگ توں جاری بیان موجب وزیراعظم نے شہید پولیس اہل کار دے خاندان تے ٻالاں نال دلی دلی ہمدردی دا اظہار کیتے۔ وزیراعظم آکھیے جو آپݨے ٻالاں کوں سکول توں گھنݨ ونڄݨ کیتے والد دی شہادت تے ٻہوں ݙکھ تھئے ۔ وزیراعظم خیبرپختونخوا اچ پولیس اہلکاراں تے ودھدے حملیں تے تشویش دا اظہار کریندے ہوئیں آکھیے جو وزیراعلی خیبرپختونخوا صوبے اچ امن وامان دی صورتحال تے توجہ ݙیون ۔ وزیراعظم ہدایت کیتی جو شہید پولیس سب انسپکٹر کوں شہدا پیکج ݙتا ونڄے، ٻالاں دی تعلیم اتے اہل خانہ دی کفالت یقینی بݨائی ونڄے۔ وزیراعظم تے زیرداخلہ انجینئر امیر مقام کوں شہید پولیس اہلکار کیتے مالی معاونت کوں یقینی بݨاوݨ دی ہدایت وی کیتی ۔ وزیراعظم شہید پولیس اہلکار دے اچے درجے اتے خاندان کیتے صبر دی دعا کیتی ۔
