اسلام آباد۔25مئی(اے پی پی)وفاقی وزیر داخلہ رانا ثنا اللہ آکھیے جیکر عمران خان اسلام آباد اچ دھرنا نہ ݙیون، صرف جلسہ کرن اتے خطاب توں بعد ول ونڄن تاں رستے وی کھول ݙیسوں اتے کنٹینر وی ہٹا ݙیسوں، سپریم کورٹ دی ہدایت تے حکومت پی ٹی آئی نال الاوݨ کیتے 4 رکنی کمیٹی ٻݨا ݙتی اے، حکومت عدالتی حکم تے عمل دی پابند اے، وزیراعظم وی ٻیھ تے الاوݨ دا آکھیے۔ اے ڳالھ انہاں وفاقی وزیر اطلاعات ونشریات مریم اورنگزیب نال پریس کانفرنس کریندے آکھیے۔ انہاں آکھیا جو پنجاب اچ کتھائیں وی لوک نئیں نکلیے، عمران دی مقبولیت دا تاثر اپݨی موت آپ مر ڳئے، خیبرپختونخوا دے سرکاری وسائل نال صرف 3 چار ہزار دا مسلح جتھہ اسلام آباد تے یلغار کرݨ چاہندے ٻھل انہاں کوں جلسے دی اجازت اے اتے فساد نا کھنݙاوݨ ݙیسوں اڄ او 20 لکھ لوکاں دا سونامی ڳھن آوݨ دے دعوے کتھاں ڳین؟۔ وفاقی وزیر اطلاعات و نشریات مریم اورنگزیب آکھیا جو بلوچستان اتے سندھ دے لوک وی فتنہ فساد مارچ دا حصہ نئیں ٻݨیے، قوم کوں تقسیم کرݨ دا ایجنڈا منظور کائنی، لوک ایں فسادی ٹولے توں پریں راہون۔
