اسلام آباد۔26مئی (اے پی پی):قومی اسمبلی اچ قائد حزب اختلاف راجہ ریاض آکھیے جو اپوزیشن لیڈر دے طور تے آپݨا مثبت کردار ادا کریساں ، جتھاں کوئی خامی نظر آئی ایں دی نشاندہی کریسوں ، اساں چاہندوں اسمبلی اپݨی مدت پوری کرے اتے ویلھے تے الیکشن تھیون، کوئی سازش اتے فتنے دے ذریعے ایں اسمبلی کوں ختم نہ کراسڳے۔ قومی اسمبلی اچ وزیراعظم شہباز شریف دی طرفوں قائد حزب اختلاف دا منصب سنبھالݨ تے مبارخ پیش کرݨ تے اظہار تشکر کریندے ہوئیں انہاں آکھیے وزیراعظم انہاں دے حوالے نال جیڑھی ڳالھ کیتی اے او شکریہ ادا کریندن ۔ اساں پوری کوشش کریسوں جو آپݨا مثبت رول ادا کروں۔ جیڑھی خامی وی اساکو نظر آئی وزیراعظم دے علم اچ گھن آساں تے کوشش کریسوں حکومت دے نال جتھاں وی لوڑھ پئی تعاون کریسوں ۔
