اسلام آباد۔26مئی (اے پی پی) وزیر منصوبہ بندی، ترقی ، اصلاحات تے خصوصی اقدامات پروفیسر احسن اقبال دی صدارت اچ ’ون پیشنٹ ون آئی ڈی ‘منصوبہ تے جائزہ اجلاس تھیا۔ اجلاس اچ این آئی ٹی بی ، وزارت صحت اتے انفارمیشن ٹیکنالوجی دے افسر شریک تھیے۔ اجلاس کوں بریفنگ اچ ݙسیا ڳیا جو پروجیکٹ دا مقصد وفاق دے زیرنگرانی ہسپتالاں اچ مریضاں کوں بہتر سہولتاں اتے مالی وسائل کوں موثر انداز اچ استعمال کرݨا ہئی۔ منصوبہ 24 جون 2021ء اچ پراسرار طور روک ݙتا ڳیا ہئی۔ این آئی ٹی بی دے پروجیکٹ تے 51 ملین روپے خرچ تھی ڳئے ہن۔ این آئی ٹی بی دا ہک پراجیکٹ روک تے شوکت خانم ہسپتال دا سافٹ وئیر استعمال کرݨ دا حکم ݙے ݙتا ڳیا۔ بریفنگ اچ ݙسیا ڳیا جو پراجیکٹ 2020 اچ شروع تھیا ہئی اتے 2023 اچ پورا تھیوݨا ہئی۔ وفاقی وزیر ، وزارت صحت ولوں سرکاری ادارے دے ٻݨائے سافٹ ویئر کوں ہٹا تے غیر شفاف انداز اچ شوکت خانم ہسپتال دے ایم آئی ایس سسٹم نافذ کرݨ تے پلان تے تشویش کیتی اتے انکوائری دا حکم ݙتا۔
