اسلام آباد۔27مئی (اے پی پی) وزیر مذہبی امور مفتی عبدالشکور ، قومی اسمبلی کوں یقین ݙوایا جو حکومتاں کوششاں پاروں ایں سال سرکاری سکیم دے تحت حج پیکیج چھی لکھ پنڄاہ ہزار روپے توں وی ڳھٹ کرݨ دی کوشش کیتی ویسی۔ سابق حکومت دی حج بارے بدعنوانیاں دی تفصیل جلدی سامھے ڳھن امسوں۔ جمعے کوں قومی اسمبلی اچ حج بارے پالیسی بیان ݙیندیں ہوئیں مفتی عبدالشکور آکھیا جو پچھلے حکمراناں ملک کوں تباہی دے ٻنے تے آن کھڑائے۔ ہر چیز مہانگی اے۔ انہاں آکھیا جو ایں مہانگ دی زد اچ حج جیہا مقدس فریضہ وی آڳئے۔ انہاں آکھیا جو سستے حج بارے کوشش کریسوں۔ ایں سال سرکاری سکیم دے تحت حج پیکیج چھی لکھ پنڄاہ ہزار روپے توں وی ڳھٹ کرݨ دی کوشش کیتی ویسی۔
