اسلام آباد۔31مئی (اے پی پی):سیکرٹری مذہبی امور آفتاب اکبر درانی آکھیے جو حج آپریشن 2022 توقعات دے مطابق اڳوں ودھدا پئے ،وزارت مذہبی امور 6 مہینے تے محیط حج آپریشن کوں ھک مہینے دی گھٹ مدت اچ مکمل کرتے نویں تاریخ رقم کیتی اے ۔ منڳل کوں ھک بیان اچ انہاں آکھیے جو حاجی کیمپاں دے ذریعے 80 فیصد توں ودھ سرکاری عازمینِ حج دی تربیت دا عمل مکمل کر ڳھدا ڳئے ۔ سعودی حکام دی ہدایت تے روڈ ٹو مکہ دی پہلی پرواز 5 اتے 6 جون دی وچلی رات اسلام آباد توں روانہ تھیسی۔ عازمین حج کوں پروازاں توں متعلق اطلاع بذریعہ ویب سائٹ اتے موبائل میسج کیتی ویسی ۔سرکاری عازمین حج پی آئی اے، ایئر بلیو، سیرین اتے سعودی ائیر دے ذریعے سعودی عرب پڄسن ۔عازمین حج جاری تربیتی پروگرامز اچ شرکت کوں یقینی بݨیسن عازمین متعلقہ حاجی کیمپاں نال رابطہ رکھیسن،ہدایات موجب حج دی تیاری مکمل کرن۔ انہاں آکھیے جو وزارت دا عملہ، بینک، ایئرلائنز تے ٻئے سٹیک ہولڈرز کامیاب حج آپریشن کیتے ٹائم لائن دے مطابق مصروف عمل ہن۔
