صحت دا شعبہ ساݙی حکومت دی اولین ترجیح اے،شعبے دی بہتری کیتے بھر پور اقدامات یقینی بݨیندے پیوں ،عبدالقادر پٹیل

اسلام آباد۔1جون (اے پی پی):وفاقی وزیر قومی صحت عبدالقادر پٹیل آکھیے جو صحت دا شعبہ ساݙی حکومت دی اولین ترجیح اے،شعبے دی بہتری کیتے بھر پور اقدامات یقینی بݨیندے پیوں۔اے ڳالھ انہاں پاکستان فارماسیوٹیکل مینوفیکچرنگ ایسوسی ایشن دے وفد نال ھک ملاقات اچ آکھی اے ، وفد وفاقی وزیر صحت عبدالقادر پٹیل کوں صحت دا قلمدان سنبھالݨ تے مبارخ ݙتی ، ایں موقع تے وفاقی وزیر آکھیے صحت دا شعبہ ساݙی حکومت دی اولین ترجیح اے۔ صحت دے شعبے دی بہتری کیتے بھر پور عملی اقدامات یقینی بݨیندے پیوں، انہاں آکھیے ڈریپ دے شعبے اچ بہتری کیتےعملی اقدامات کوں یقینی بݨیندے پیوں ۔ ملاقات اچ پی پی پی ایم اے دے چیئرمین قاضی محمد منصور دلاور آکھیے جو صحت دے شعبے اچ موجودہ حکومت دے عملی اقدامات کوں قدر دی نگاہ نال ݙیکھدوں ۔