اسلام آباد۔1جون (اے پی پی) اسلام آباد پولیس اتے فرنٹیئر کانسٹیبلری دی تنخواہیں، الائونسز اتے شہداء پیکیج کوں پنجاب اتے خیبر پختونخوا دے مساوی کرݨ اتے اسلام آباد اچ جرائم کوں روکݨ کیتے کیمریاں دی کوریج سو فیصد کرݨ دا فیصلہ کیتے جݙانجو وزیر داخلہ رانا ثناء اللہ آکھیا جو فسادی مارچ کوں کہیں صورت اسلام آباد اچ کائنا آوݨ ݙتا ویسی۔ وزارت داخلہ ولوں بدھ کوں جاری بیان موجب وزیر داخلہ رانا ثناء اللہ دی صدارت اچ اسلام آباد پولیس اتے فرنٹیئر کانسٹیبلری دی آپریشنل استعداد کار ودھاوݨ بارے اجلاس تھیا جئیں اچ وفاقی سیکرٹری داخلہ یوسف نسیم کھوکھر دے علاوہ کمانڈنٹ فرنٹیئر کانسٹیبلری صلاح الدین محسود، آئی جی پولیس اسلام آباد ڈاکٹر اکبر ناصر، چیف کمشنر اسلام آباد عامر احمد علی اتے بئے اعلیٰ حکام شریک تھیے۔ اجلاس اچ اسلام آباد پولیس اتے فرنٹیئر کانسٹیبلری دی تنخواہیں، الائونسز اتے شہداء پیکیج کوں پنجاب اتے خیبر پختونخوا دے مساوی کرݨ دا فیصلہ کیتا ڳیا۔
