انقرہ۔1جون(اے پی پی)وزیراعظم محمد شہباز شریف نال ترکی دی مختلف کمپنیاں دے سربراہان ملاقات کیتی۔ انہاں پاکستان اچ بیرونی سرمایہ کاری سانڳے ھکومتی اقدامات دی تعریف کریندے تجارت و سرمایہ کاری سانڳے دلچپسی ݙکھائی اے۔ وزیراعظم محمد شہباز شریف نال ترک سرمایہ کار انقرہ اچ انڄھو انڄھ ملین۔ سیاہ قلم انجینئرنگ دے وفد کمپنی دے صدر سنگیز اوزدمیر دی اڳواݨی اچ ملین۔ ترک کمپنی کمپنی آرچیلک دے وفد چیف کمرشل آفیسر سان دنسر دی قیادت اچ ملیے۔ زورلو انرجی ترکی دے وفد سی ای او سینان اے کے دی اڳواݨی اچ ملین۔ وزیرِ اعظم شہباز شریف نال البیراک کمپنی دا وفد صدر احمد البیراک دی زیر قیادت ملیا۔ وزیر اعظم آکھیا جو ترک کمپنیاں کؤں پاکستان اچ سرمایہ کاری کیتے ودھ مواقع ݙتے ویسن، سرمایہ کاراں دے مسلے حل کرݨ ساڈی ترجیھ اے۔ ایں توں پہلے وزیرِ اعظم شہباز شریف نال حیات کیمیا کمپنی دے وائس پریزیڈنٹ علی زیبک دی قیادت اچ وفد وی ملیے۔
