انقرہ۔1جون (اے پی پی):پاکستان تے ترکی مفاہمت دیاں ست مختلف یادداشتاں تے دستخط کیتن ۔ وزیراعظم شہبازشریف اتے ترک صدر طیب اردوان وی ایں موقع تے موجود ہن ۔ بدھ کوں وزیراعظم آفس دے میڈیا ونگ توں جاری بیان موجب ترکی دی پریذیڈینسی آف سٹریٹجی اینڈ بجٹ اتے پبلک پرائیویٹ پارٹنرشپ اتھارٹی آف پاکستان دے درمیان مفاہمت دی یادداشت تے دستخط کیتے ڳئے ۔ ترک اتے پاکستان حکومت وچال نالج شیئرنگ پروگرام دے فریم ورک تے دستخط کیتے ڳئن ۔ ترک وزارت ٹرانسپورٹ وانفراسٹرکچر اتے وزارت مواصلات پاکستان دے درمیان ہائی وے انجینئرنگ متعلق مفاہمت دی یادداشت تے دستخط کیتے ڳئن ۔ ترکی تے پاکستان دے درمیان ݙوطرفہ تجارت اتے معاشی تعلقات دے ودھارے متعلق مشترکہ وزارتی بیان متعلق مفاہمت دی یادداشت، ترکی اتے پاکستان دی وزارت خزانہ دے درمیان فنی تعاون پروٹوکول دی مفاہمت کدی یادداشت، ترکی دی وزارت خزانہ اتے وزارت اقتصادی امور پاکستان دے درمیان قرضیں دے انتظام متعلق تعاون پروٹوکول جݙاں جو گھراں دے شعبیں اچ تعاون کیتے ترکی دی وزارت ماحولیات شہری ترقی وموسمیاتی تبدیلی اتے نواں پاکستان ہائوسنگ اتھارٹی دے درمیان مفاہمت دی یادداشت تے دستخط کیتے ڳئن ۔ پاکستان دی طرفوں وزیرخارجہ بلاول بھٹو زرداری اتے وزیر تجارت نوید قمر جݙاں جو ترکی دی طرفوں وزیر ٹرانسپورٹ معاہدیں تے دستخط کیتے۔
