اسلام آباد۔2جون (اے پی پی):ترکی دے صدر رجب طیب اردوان آکھیے جو اساں پاکستان نال مستقبل اچ ݙو طرفہ تعلقات کوں مزید ودھاوݨ چاہندوں ، انہاں ھک ٹویٹ اچ سفارتی تعلقات دی 75 ویں سالگرہ تے وزیراعظم محمد شہباز شریف دی آمد تے اظہار تشکر کیتا تے آکھیے جو اساں مستقبل اچ ݙو طرفہ تعلقات کوں مزید ودھارا ݙیوݨ چاہندوں ، اساں پاکستان دے نال تجارت کوں مزید ودھاوݨ اہندوں ۔ صدر اردوان آکھیے جو 2011ءدے بعد پہلی واری تجارت ھک ارب ڈالر تئیں پڄ ڳئی اے اینکوں ودھا تے5 ارب ڈالرز تئیں گھن ونڄݨ چاہندوں ، پاکستان نال دفاعی صنعت اچ تعاون باعث مسرت اے۔ انہاں آکھیے تعلیم، سیاحت، مواصلات، لاجسٹکس، شہری ہوا بازی اتے انفارمیشن ٹیکنالوجی اچ آپݨے تعاون کوں ودھیندے پیوں ، اساں پاکستان نال تعلقات کوں مزید تکڑا بݨاوݨ کیتے کم کریندے رہسوں ۔ پاکستان نال یاری تے بھرپی دی وݙی تاریخ اے۔
