اسلام آباد۔2جون (اے پی پی) سپیکر قومی اسمبلی راجہ پرویز اشرف آکھیے جو پاکستان تے چین دے درمیان 71 سالہ سٹرٹیجک تعلقات ہن، پاکستان تے چین اوکھے حالات دے یار ہن ،ذوالفقار علی بھٹو چین پاکستان تعلقات دے معمار ہن۔اے ڳالھ انہاں پاک چائنا سی پیک میڈیا فورم توں خطاب کریندے ہوئیں آکھی اے ، انہاں آکھیے جو بے نظیر بھٹو تے سابق صدر آصف علی زرداری چین دے دورے کیتے، مارچ 2013 اچ گوادر پورٹ کوں چین دے تعاون نال آپریشنلائز کیتا ڳیا ، سی پیک دے ذریعے انفراسٹرکچر اتے عوامی فلاح دے درجناں منصوبے مکمل کیتے ڳئن ، راجہ پرویز اشرف آکھیے جو مشرق وسطیٰ، افریقہ تے یورپ نال رابطہ کاری کیتے گوادر پورٹ اہم اے،پاکستان دی پارلیمان سی پیک منصوبیں دی وختی تکمیل دے حوالے نال دلچسپی گھندی پئی اے ۔انہاں آکھیے جو پاکستان دی پارلیمان ایں حوالے نال آپݨا کلیدی کردار ادا کریندی پئی اے ، بالخصوص بلوچستان اتے بالعموم پورے ملک اچ سی پیک منصوبیں دے ذریعے خوشحالی آسی ، سی پیک کوں سبوتاژ کرݨ کیتے پروپیگنڈہ کہیں صورت برداشت نہ کیتا ویسی ۔
