بک سیلرزدا نیشنل بک فائونڈیشن دیاں کتاباں تے ڈسکائونٹ گھن تے پوری قیمت وصول کرݨ زیادتی اے، رانا تنویر حسین

اسلام آباد۔3جون (اے پی پی) وفاقی وزیر تعلیم و پیشہ ورانہ تربیت رانا تنویر حسین آکھیے جو نیشنل بک فائونڈیشن دی ریڈرز کلب سکیم بند تھی چکی اے ، کتاباں تے ڈسکائونٹ گھن تے بک سیلرزجے پوری قیمت وصول کرن تاں اے زیادتی اے۔ سینیٹ اجلاس اچ سوالاں دے وقفے ویلھے سینیٹر عرفان صدیقی اتے سینیٹر کیشو بائی دے سوالاں دے ولدے اچ انہاں آکھیے جو مختلف کتاباں تے ڈسکائونٹ ݙتا ویندے لیکن اے شکایتاں ملدیاں پئن جو بک سیلرز ڈسکائونٹ گھن تے وی پوری قیمت خریداراں توں وصول کریندن ، اے ھک زیادتی اے، اینکوں روکݨ کیتے اقدامات کیتے ویسن ۔