اسلام آباد۔3جون (اے پی پی) وزیراعظم شہباز شریف آندے انتخابات توں پہلے مہانگ تے غربت مکاوݨ کیتے گھٹ مدتی اقدامات کرݨ دے عزم دا اظہار کریندے ہوئیں آکھیے جو ملک اچ آندے عام انتخابات 15 مہینے اچ تھیسن تے ایں دوران انہاں دا ہدف مہانگ تےغربت دے چیلنجز نال نبݨݨ اے ، حکومت کوں عالمی سطح تے ایندھن دیاں ودھدیاں قیمتاں تیل تے گیس دیاں قیمتاں اچ ودھارے تے مجبور …
حکومت انتخابات توں پہلے عوام کوں پیش آندے مسئلیں کوں حل کرݨ کیتے گھٹ مدتی اقدامات کریسی ،وزیراعظم دا ترک ٹی وی کوں انٹرویو
مزید خبراں
اسلام آباد۔3جون (اے پی پی) وزیراعظم شہباز شریف آندے انتخابات توں پہلے مہانگ تے غربت مکاوݨ کیتے گھٹ مدتی اقدامات کرݨ دے عزم دا اظہار کریندے ہوئیں آکھیے جو ملک اچ آندے عام انتخابات 15 مہینے اچ تھیسن تے ایں دوران انہاں دا ہدف مہانگ تےغربت دے چیلنجز نال نبݨݨ اے ، حکومت کوں عالمی سطح تے ایندھن دیاں ودھدیاں قیمتاں تیل تے گیس دیاں قیمتاں اچ ودھارے تے مجبور کیتے ۔ انقرہ دے اپݨے ترائے ݙینھ وار سرکاری دورے اچ ترکی دے سرکاری ٹیلی ویژن ”ٹی آر ٹٰی“ کوں انٹرویو ݙیندے ہوئیں وزیراعظم آکھیے جو میݙا وژن پاکستان دی تعمیر نو، غربت مکاوݨ تے کفایت شعاری کوں یقینی بݨاوݨ کیتے سرکاری شعبہ دے بجٹ اچ کٹوتی کیتے آپݨی پوری کوشش کرݨا اے ۔ وزیراعظم شہباز شریف اے ڳالھ زور ݙے تے آکھی اے جو انہاں دی حکومت انتخابات توں پہلے عوام کوں پیش آندے مسئلیں دے حل کیتے گھٹ مدتی اقدامات کریسی ۔ انہاں آکھیے جے آندے عام انتخابات اچ انہاں دی جماعت عوام دی مرضی دے مطابق اقتدار اچ آندی اے تاں بے روزگاری اتے غربت جیہے مسلئیں نال نبݨݨ کیتے ھک مکمل ترقیاتی ایجنڈا شروع کیتا ویسی ۔ وزیراعظم آکھیے جو عالمی سطح تے ایندھن دی آسمان نال لڳدیاں قیمتاں حکومت کوں تیل تے گیس دیاں قیمتاں اچ ودھاوݨ تے مجبور کیتا ۔وزیراعظم پاکستان دی سیاسی صورتحال بارے پچھیے ڳئے ھک سوال دے ولدے اچ آکھیے جو ملکی تاریخ اچ پہلی واری عدم اعتماد دا ووٹ کامیاب تھئے ، اے اقتدار دی ھک آئینی اتے قانونی منتقلی اے جیڑھا جو آئین اچ ݙتی ڳئی اے ۔ انہاں آکھیے اے ھک ”کوانٹم جمپ“ دی بجائے ھک وݙا قدم اے۔
