راولپنڈی ۔6جون (اے پی پی):پاکستان دی مسلح افواج نبی کریم ﷺدی شان اچ بھارتی عہدیداراں دی طرفوں گستاخانہ بیانات دی شدید مذمت کریندے ہوئیں آکھیے جو اے اشتعال انگیز عمل ٻہوں تکلیف دہ اے۔ پاک فوج دے شعبہ تعلقات عامہ(آئی ایس پی آر) دے ڈائریکٹر جنرل میجر جنرل بابر افتخار آپݨے ٹویٹ اچ آکھیے جو اے عمل واضح طور تے بھارت اچ مسلماناں تے ٻئے مذاہب دے خلاف انتہائی سطح دی نفرت دی نشاندہی کریندے۔
