اسلام آباد۔8جون (اے پی پی) سابق وزیر اعظم یوسف رضا گیلانی چئیرمین سینیٹ دا الیکشن سپریم کورٹ اچ چیلنج کرݙتا۔ یوسف رضا گیلانی سپریم کورٹ اچ اسلام آباد ہائیکورٹ دے فیصلے دے خلاف اپیل اچ اسلام آباد ہائیکورٹ دا فیصلہ کالعدم قرار ݙیوݨ دی استدعا کیتی اے ۔دائر اپیل اچ موقف اختیار کیتا ڳئے جو اسلام آباد ہائیکورٹ دا سنگل تے ڈویژن بینچ دا فیصلہ قانون و حقائق دے منافی اے، ہائیکورٹ دا فیصلہ سپریم کورٹ دے ڈپٹی سپیکر رولنگ فیصلہ اچ طے پیرامیٹرز دے برعکس اے ،یوسف رضا گیلانی چئیرمین سینٹ الیکشن اچ ساریں توں ودھ ووٹ ڳھدے ،یوسف رضا گیلانی دے 7 ووٹاں کوں غلط مسترد کیتا ڳئے ۔پریزائڈنگ آفیسر بدنیتی نال ووٹ مسترد کیتے ۔
