اسلام آباد۔08 جون(اے پی پی)وزیراعظم شہبازشریف دی زیرصدارت قومی اقتصادی کونسل (این ای سی) دا اجلاس اسلام آباد اچ تھئے جیندے اچ وزیراعلی سندھ مراد علی شاہ، وزیراعلیٰ پنجاب حمزہ شہباز اتے بلوچستان دے وزیراعلی عبدالقدوس بزنجو شرکت کیتی۔ اجلاس اچ ملک اچ توانائی دی بچت سانڳے اقدامات اتے حکمت عملی تے صلاح مشورہ تھئے۔ اجلاس اچ صوبیاں دی صلاح توں بعد ملک اچ توانائی دی بچت کیتے سارے بازار راتی ساݙھے 8 وڄے بند کرݨ دا اصولی فیصلہ تھئے۔ اجلاس دے اعلامیے اچ آکھیا ڳئے جو وزرائے اعلیٰ توانائی دے بحران نال نبڑݨ کیتے ملک گیر اقدامات سانڳے وفاقی کابینہ دے فیصلاں نال اتفاق کیتے۔ ایں توں پہلے کابینہ سرکاری دفاتر و اداریاں اچ ہفتے اچ ݙو ݙینھ دی چھٹی بحال کر ݙتی اے۔ ݙو ݙینھ چھٹی نال سڑکاں تے ٹریفک دا بھار ڳھٹسی اتے تیل و بجلی ݙوہیں بچسن۔
