اسلام آباد۔9جون (اے پی پی):وفاقی وزیر سرمایہ کاری چوہدری سالک حسین آکھیے جو سابق حکومت دے دور اچ سی پیک کیتے مالی وسائل مختص کرݨ تے عملدرآمد دے معاملات کوں ترجیح نی ݙتی ڳئی ، غیر ذمہ دارانہ بیانات توں چینی کمپنیاں دا اعتماد مجروح تھئے ، گوادر پورٹ اچ ڈریجنگ دی ذمہ واری وی پوری نی کیتی ڳئی ، سینیٹ اجلاس اچ سوالاں دے وقفے ویلھے سینیٹر بہرہ مند تنگی، سینیٹر محسن عزیز دے سوالاں دے جواب اچ انہاں آکھیے جو 19 ۔ 2018 دے سابق حکومت دیاں ذمے واریاں دے پاسوں غیر ذمہ دارانہ بیانات توں چینی کمپنیاں دا اعتماد خراب تھئے ، گوادر اچ ڈریجنگ دی ذمہ واری ساݙی ہئی لیکن چار سال اچ ایں تے کجھ نی کیتا ڳیا جیں دی وجہ توں ہݨ کوئی وݙا جہاز پورٹ دے نیڑے لنگر انداز نی تھی سڳدا ، موجودہ حکومت ہݨ ایں تے کم کریندی پئی اے تے وختی ڈریجنگ شروع تھی ویسی ۔ انہاں آکھیے جو 2020ء توں 2025 دے دوران بنیادی ڈھانچے دی تعمیر دے نال نال صنعتی سرگرمیاں دے ودھارے کیتے ݙوجھا مرحلہ شروع تھیوݨا ہئی ایں تے وی پیشرفت نی تھئی۔
