کراچی ۔9جون (اے پی پی) رکن قومی اسمبلی ڈاکٹر عامر لیاقت حسین انتقال کرگئے۔ تفصیلات دے مطابق ڈاکٹرعامر لیاقت حسین کوں ہسپتال پڄا ݙتا ڳیا جتھاں ڈاکٹراں انہاں دی موت دی تصدیق کر ݙتی۔ عامرلیاقت حسین 5 جولائی 1971 کوں ڄمیے ہن۔ عامر لیاقت 2002 توں 2007 تئیں ممبر قومی اسبلی رہیے۔ او مشرف دور اچ وزیرمملکت وی رہیے۔ 2018 اچ او پی ٹی آئی دے ٹکٹ تے رکن قومی اسمبلی منتخب تھیے۔ وزیراعلیٰ ہاوس توں جاری تعزیتی سنیھے اچ وزیراعلیٰ سندھ سید مراد علی شاہ انہاں دے انتقال تے ݙکھ تے افسوس کیتے۔
