اسلام آباد۔9جون(اے پی پی)وزیراعظم شہباز شریف آکھیے جو پاکستان اتے ایران وچال تجارت و معیشت دے شعباں اچ تعاون ودھاوݨ دی لوڑھ اے، پولان گوادر منصوبے نال ایران توں وادھو 100 میگاواٹ بجلی ڳھنسوں۔ اے ڳالھ انہاں پاکستان اچ ایران دے سفیر سید علی محمد حسینی نال ملݨ ویلھے آکھی۔ وزیر اعظم بلوچستان اچ جنگلات دی لڳی ٻھا ٻڄھاوݨ اتے مسلہ کشمیر تے پاکستان دے موقف دی ہر سطح تے احمایت تے ایران دا شکریہ ادا کیتے۔ انہاں باہمی روابط ٻئے تکڑے کرݨ، تجارتی و اقتصادی تعاون دے شعباں اچ نویں رستے ڳولݨ سودھا علاقائی و عالمی صورتحال تے الایا۔ وزیراعظم شہباز شریف افغان مسلے دے حل تے الیندے آکھیے جو افغانستان دے عوام کوں منجمد اثاثاں تئیں رسائی ݙیوݨی چاہیدی اے۔
