اسلام آباد۔10جون(اے پی پی)سینیٹر سلیم مانڈوی والا ایوان بالا دی قائمہ کمیٹی خزانہ دے چئیرمین چݨیڄ ڳین۔ چیئرمین کمیٹی چݨݨ کیتے پارلیمنٹ ہائوس اچ اجلاس تھئے۔ سینیٹر عطا الرحمن سینیٹر سلیم مانڈوی والا دا ناں بطور چیئرمین کمیٹی تجویز کیتے اتے سینیٹر فاروق ایچ نائیک تائید کیتی۔ قائمہ کمیٹی اجلاس اچ سینیٹرز عطا الرحمن، ذیشان خانزادہ، انوار الحق کاکڑ، فاروق حامد نائیک، سعدیہ عباسی، دلاور خان، یوسف رضا گیلانی، مولانا عبدالغفور حیدری، شبلی فراز اتے مولوی فیض محمد دے علاوہ سیکرٹری سینیٹ محمد قاسم صمد خان اتے سینیٹ دے اعلی حکام شرکت کیتی۔
