اسلام آباد۔15جون(اے پی پی) وفاقی وزیر اطلاعات و نشریات مریم اورنگزیب ریڈیو پاکستان راولپنڈی اچ سینکڑاں قدیم اتے قیمتی وݨاں دی کٹائی دا سختی نال نوٹس گھندے ہوئیں آکھیے جو ایندے ذمے واراں دا تعین کرتے قانون دے مطابق کارروائی کیتی ویسی ، بلین ٹری سونامی دے دعویں اچ قدیم اتے قیمتی وݨاں دی کٹائی کیویں تھئی ، حقائق قوم دے سامݨے گھن آسوں ۔ بدھ کوں اپݨے ھک بیان …
وفاقی وزیر اطلاعات دا ریڈیو پاکستان راولپنڈی اچ سینکڑاں قیمتی وݨ کپݨ دا نوٹس ، ذمہ واراں دے خلاف کارروائی کیتی ویسی ، مریم اورنگزیب
اسلام آباد۔15جون(اے پی پی) وفاقی وزیر اطلاعات و نشریات مریم اورنگزیب ریڈیو پاکستان راولپنڈی اچ سینکڑاں قدیم اتے قیمتی وݨاں دی کٹائی دا سختی نال نوٹس گھندے ہوئیں آکھیے جو ایندے ذمے واراں دا تعین کرتے قانون دے مطابق کارروائی کیتی ویسی ، بلین ٹری سونامی دے دعویں اچ قدیم اتے قیمتی وݨاں دی کٹائی کیویں تھئی ، حقائق قوم دے سامݨے گھن آسوں ۔ بدھ کوں اپݨے ھک بیان اچ انہاں آکھیے جو بلین ٹری سونامی ریڈیو پاکستان دے درخت کھا ڳئی، بلین ٹری کرپشن سونامی توں ریڈیو پاکستان دے وݨاں دی کٹائی دے ثبوت برآمد تھئے، بظاہر لڳدے جو اے ساری کارروائی مجاز اتھارٹی دی منظوری دے بغیر عمل اچ آئی، وزیر اطلاعات متعلقہ حکام توں وختی معاملے دی رپورٹ منگ ڳھدی ۔ وفاقی وزیر اطلاعات وفاقی سیکرٹری اطلاعات کوں قائمہ کمیٹی اطلاعات و نشریات دے اجلاس دی مکمل کارروائی دے منٹس اتے ریڈیو پاکستان دی تحقیقاتی رپورٹ پیش کرݨ دا حکم ݙتا ، انہاں آکھیے جو وفاق تے پنجاب دی ماحولیاتی تحفظ دیاں ایجنسیاں تے راولپنڈی کنٹونمنٹ بورڈ کوں وی اعتماد اچ نی ڳھدا ڳیا ، وݨ دیاں قسماں ، انہاں دی عمر، انہاں دی مارکیٹ قیمتاں دے تعین کیتے ماہرین دی مدد نئیں ڳھدی ڳئی ، امب ، ٹالھی ، شہتوت، ریٹھا اتے شاہ بلوط سودھے 600 توں ودھ وݨاں دی کٹائی سنگین معاملہ اے، ذمہ واراں دے خلاف سخت کارروائی کیتی ویسی ۔
