اسلام آباد۔18جون (اے پی پی):وفاقی وزیر مواصلات و پوسٹل سروسز اسعد محمود بلوچستان اچ این ایچ اے دے زیارت ، کیچ ، ہرنائی تے سنجاوی منصوبے دے کنٹریکٹر کمیپ تے دہشتگرد حملے دی مذمت کریندے ہوئیں آکھیے جو تعمیراتی عمل اچ مصروف انجینئرز، ماہرین تعمیرات اتے ٻئے کارکناں کوں مکمل تحفظ ݙتا ویسی ، بلوچستان دے جاری تعمیراتی و ترقیاتی منصوبیں کوں بلاتاخیر مکمل کرایا ویسی ۔ نیشنل ہائی وے اتھارٹی دے شعبہ تعلقات عامہ دی طرفوں جاری بیان مطابق وفاقی وزیر کنٹریکٹر کیمپ تے رات کوں دہشتگرداں دے حملے دی شدید الفاظ اچ مذمت کریندے ہوئیں آکھیے جو تعمیراتی عمل اچ مصروف انجیئنرز ، ماہرین اتے کارکناں کوں تحفظ ݙتا ویسی انہاں آکھیے اساں دہشتگرداں دے انہاں حملیں توں قطعاً جھکے نہ تھیسوں تے بلوچستان دے جاری تعمیراتی و ترقیاتی منصوبیں کوں بلا تاخیر مکمل کیتا ویسی ۔
