سابق وزیراعظم بے نظیر بھٹو دا اڄ 70 واں ڄمݨ ݙینھ اے

اسلام آباد۔21جون(اے پی پی)سابق وزیر اعظم پاکستان اتے پیپلز پارٹی دی چیئر پرسن بے نظیر بھٹو دا اڄ 70 واں ڄمݨ ݙینھ اے۔ بے نظیر بھٹو عالم اسلام دی پہلی تریمت وزیر اعظم ہن۔ سابق وزیراعظم پاکستان ذوالفقار علی بھٹو دی دھی راݨی محترمہ بے نظیر بھٹو 21 جون 1953 کوں سندھ دے مہاندرے سیاسی ٹٻر اچ اکھ کھولی ہئی۔ 4 اپریل 1979 کوں ذوالفقار علی بھٹو دے مرݨ توں بعد بے نظیر بھٹو پاکستان پیپلز پارٹی دی اڳواݨی سنبھالی۔ 1988 دے عام انتخابات اچ قومی اسمبلی اچ سب توں ودھ سیٹاں ڳھن تے بے نظیر بھٹو 35 سال دی عمر اچ ملک اتے اسلامی ڄڳ دی پہلی خاتون وزیرِ اعظم ٻݨین۔ بعد اچ بے نظیر بھٹو دی حکومت دا تختہ الٹ ݙتا ڳیا ٻھل او 1993 اچ ولا پاکستان دی وزیر اعظم ٻݨ ڳین۔ 18 اکتوبر 2007 اچ بے نظیر بھٹو کوں کراچی اچ بم دھماکے دا نشانہ ٻݨآیا ڳئے ٻھل او بچ ڳین اتے ایں سال 27 دسمبر کوں راولپنڈی لیاقت باغ اچ جلسے توں بعد شہید کر ݙتا ڳئے۔