مالی طور تے پسماندہ طبقے کوں ریلیف ݙیوݨ حکومت دی ترجیح اے، وزیراعظم شہاز شریف

اسلام آباد۔21جون(اے پی پی)وزیراعظم شہاز شریف آکھیے جو مالی طور تے پسماندہ طبقے کوں ریلیف ݙیوݨ حکومت دی ترجیح اے، آندے مالی سال اٹے، کھنݙ، گھیو/ خوردنی تیل، دالاں اتے چاول تے ٹارگٹڈ سبسڈی ݙتی ویسی، ایں سانڳے متعلقہ وزارتاں اقدامات کریسن۔ اے ڳالھ وفاقی وزیرِ تخفیفِ غربت و سماجی تحفظ اتے سربراہ بینظیر انکم سپورٹ پروگرام شازیہ عطا مری نال ملݨ ویلھے آکھی۔ شازیہ مری وزیرِ اعظم کوں بے نظیر انکم سپورٹ پروگرام دے جاری منصوبیاں دا ݙسایا۔ وزیراعطم ہدایت کیتی جو متعلقہ وزارتاں سبسڈی مستحق و پسماندہ افراد تئیں پچاوݨ دے اقدامات کرن، ٹارگٹڈ سبسڈی کیتے وزارتِ تخفیفِ غربت و سماجی تحفظ کوں وزارتِ خزانہ اتے وزارت صنعت و پیداوار ہر ممکن تعاون ݙیون۔