عمران خان ، سیاسی مخالفین کوں گرفتار کراوݨ کیتے نیب کوں استعمال کیتے، کرپشن تے لیکچر ݙیوݨ آلیاں دے دور اچ مافیاز کوں فری ہینڈ ݙتا ڳئے، احسن اقبال

اسلام آباد۔22جون (اے پی پی) وفاقی وزیرمنصوبہ ، ترقی ، اصلاحات تے خصوصی اقدامات بندی احسن اقبال آکھیا جو خودساختہ صادق و امین نیب قوانین اچ ترمیم دا آکھدے ہن، عمران خان دے دور اچ کرپشن انڈیکس اُتے ہئی، عمران خان ، سیاسی مخالفین کوں گرفتار کراوݨ کیتے نیب کوں استعمال کیتے، کرپشن تے لیکچر ݙیوݨ آلیاں دے دور اچ مافیاز کوں فری ہینڈ ݙتا ڳئے۔اے ڳالھیں انہاں بدھ کوں میڈیا بریفنگ اچ آکھی۔ انہاں آکھیا جو عمران خان کوں خود یاد نی رہندا جو ݙو ݙینھ پہلے کیا بیان ݙتا ہئی، عمران خان سیاسی حریفاں کوں بغیر ثبوتاں جیل اچ ݙیکھݨ چاہندن۔ عمران خان نیب قوانین اچ ترمیم کر تے خود کوں اتے آپݨی کابینہ کوں این آر او ݙے تے ڳئے۔ عمران خان اتے شہزاد اکبر ہک روپے دی کرپشن ثابت نی کر سڳیے۔ عمران خان ، سیاسی مخالفین کوں گرفتار کراوݨ کیتے نیب کوں استعمال کیتے، کرپشن تے لیکچر ݙیوݨ آلیاں دے دور اچ مافیاز کوں فری ہینڈ ݙتا ڳئے۔