اسلام آباد۔22 جون(اے پی پی)سینئر مسلم لیگی راہنما اتے سابق وزیراعظم شاہد خاقان عباسی آکھیے جو حکومت نیب ادارے اچ ترامیم کیتن ٻھل نیب دا ادارہ ختم تھیوݨا چاہیدے، نیب ہک آمر ٻݨایا ہا جو سیاست تے قبضہ اتے جوڑ توڑ کریڄے، سیاستداناں کوں ݙرا تے سیاسی مقاصد پورے کیتے ونڄن۔ اے ڳالھ انہاں اسلام آباد اچ وفاقی وزیر منصوبہ بندی احسن اقبال نال پریس کانفرنس اچ آکھی۔ انہاں آکھیا …
نیب جھیں ادارے کوں ختم تھیوݨا چاہیدے، سابق وزیراعظم شاہد خاقان عباسی دی پریس کانفرنس
اسلام آباد۔22 جون(اے پی پی)سینئر مسلم لیگی راہنما اتے سابق وزیراعظم شاہد خاقان عباسی آکھیے جو حکومت نیب ادارے اچ ترامیم کیتن ٻھل نیب دا ادارہ ختم تھیوݨا چاہیدے، نیب ہک آمر ٻݨایا ہا جو سیاست تے قبضہ اتے جوڑ توڑ کریڄے، سیاستداناں کوں ݙرا تے سیاسی مقاصد پورے کیتے ونڄن۔ اے ڳالھ انہاں اسلام آباد اچ وفاقی وزیر منصوبہ بندی احسن اقبال نال پریس کانفرنس اچ آکھی۔ انہاں آکھیا جو نیب کہیں ہک وی سیاستدان کوں سزا نئیں ݙیوا سڳیا، نیب صرف محمد نوازشریف کوں سزا ݙیوݨ کتیے استعمال تھئے، ججاں تے دبائو سٹو اتے مرضی دے فیصلے ڳھنݨ انصاف نئیں ہوندا، نیب ملک کوں وݙا نقصان پچائے۔ انہاں آکھیا جو عمران خان چار سال نیب کوں مرضی کیتے استعمال کیتے، ساݙی حکومت دا کوئی ہک وی کرپشن کیس کائنی جیڑھا نیب توں عمران خان ٻݨوا سڳیے ہوون، حد اے ہے میکوں، احسن اقبال اتے شہبازشریف کوں وی کوڑے کیساں اچ پھسایا ڳئے ٻھل ثابت کڄھ وی نئیں تھیا۔
