اسلام آباد۔22جون(اے پی پی)وزیر مملکت برائے خارجہ امور حنا ربانی کھر دولت مشترکہ دے سربراہان حکومت دے 24 اتے 25 جون کوں تھیوݨ آلے 26 ویں اجلاس اچ پاکستان دی نمائندگی کریسن۔ ترجمان دفتر خارجہ آکھیے جو وزیر مملکت برائے خارجہ امور روانڈا دے دارالحکومت کیگالی دا سرکاری دورہ کریسن اتے 23 جون کوں دولت مشترکہ دے خارجہ امور دے وزراء اجلاس اچ ویسن اتے اتھاں موجود کئی عالمی رہنماواں نال وی ڳالھ مہاڑ کریسن۔ دولت مشترکہ دے 54 رکن ملک نینگراں دے مسلیاں، ٹیکنالوجی، عالمی چیلنجاں جیویں موسمیاتی تبدیلی، کورونا وبا دے بعد بحالی، معاشی بحران سودھا یورپ اچ تنازعات تے الیسن۔ پاکستان دولت مشترکہ دے 8 بانی ارکان اچوں شامل اے۔
