اسلام آباد۔23جون (اے پی پی):سپریم کورٹ بار ایسوسی ایشن آرٹیکل 63 اے دی تشریح بارے صدراتی ریفرنس تے عدالتی رائے تے نظر ثانی کیتے عدالت عظمیٰ اچ درخواست دائر کرݙتی ۔ سپریم کورٹ بار ایسوسی ایشن دی طرفوں دائر درخواست اچ استدعا کیتی ڳئی اے جو آرٹیکل 63 اے دی تشریح توں متعلق 17 مئی 2022 ء دی عدالتی رائے تے نظرثانی کیتی ونڄے ،منحرف ارکان دا ووٹ شمار نہ کرݨ متعلق پیراگراف اچ نظرثانی کرتے رائے واپس ڳھدی ونڄے ۔ درخواست اچ موقف اختیار کیتا ڳئے جو سپریم کورٹ دی منحرف ارکان دا ووٹ شمار نہ کرݨ دی رائے خلاف آئین اے،سپریم کورٹ دی رائے آئین اچ مداخلت دے مترادف اے،آرٹیکل 63 اے دے مطابق منحرف ارکان صرف ڈی سیٹ تھیسن ۔ درخواست اچ وفاقی حکومت تے الیکشن کمیشن کوں فریق بݨایا ڳئے ۔ واضح رہے جو سپریم کورٹ آرٹیکل 63 اے دے تحت منحرف ارکان دا ووٹ شمار نہ کرݨ دی رائے ݙتی ہئی ۔
