اسلام آباد۔23جون (اے پی پی):سعودی عرب دی طرفوں پاکستانی حجاج کرام کیتے روڈ ٹو مکہ پراجیکٹ دے ذریعے سہولت ݙیوݨ تے خادم الحرمین الشریفین شاہ سلمان بن عبدالعزیز تے ولی عہد محمد بن سلمان دے شکر گزار ہیسے، روڈ ٹو مکہ پراجیکٹ توں اسلام آباد انٹرنیشنل ایئرپورٹ تے سعودی کسٹم حکام عازمین حج دا سامان کلیئر کریسن جیں توں عازمین کوں سعودی عرب اچ اوکھ دا سامݨا نہ کرݨا پوسی ، اے ڳالھ پاکستان علماکونسل دے چیئرمین طاہر محمود اشرفی آکھیے جو خمیس کوں اسلام آباد انٹرنیشنل ایئرپورٹ تے روڈ ٹو مکہ پراجیکٹ دے انتظامات دا جائزہ گھنݨ تے پاکستانی حجاج کرام توں مسئلے سݨݨ دے بعد میڈیا نال ڳالھ مہاڑ کریندے ہوئیں آکھی اے ، انہاں آکھیے جو روڈ ٹو مکہ پراجیکٹ دے تحت سعودی عرب توں سعودی کسٹم حکام تے سعودی وزارت داخلہ دے اہلکار اسلام آباد آون تے خصوصی طور تے ایں پروگرام دے تحت حجاج کرام دے سامان د اتھائیں کلیئرنس ݙیندے پئن ۔ انہاں آکھیے ایں ویلھے اے سہولت اسلام آباد انٹرنیشنل ایئرپورٹ تے ݙتی ڳئی اے۔
