اسلام آباد۔24جون(اے پی پی)پاکستان صنفی مساوات سانڳے اپݨا عزم دوہریندے آکھیے جو ساکوں اپݨیاں تریمت سفارت کاراں تے ماݨ اے۔ ترجمان دفتر خارجہ سفارتکاری اچ تریمتیں دے عالمی ݙینھ تے ہک بیان اچ آکھیے جو اساں سفارتکاری اچ تریمتیں دا عالمی ݙینھ منیندے پئے ہیں، اساں صنفی مساوات کیتے پرعزم ہیں، ساکوں تریمت سفارتکاراں تے ماݨ اے جئیں پاکستان دی وزیر خارجہ توں ڳھن تے سیکرٹری خارجہ اتے سفیراں تئیں مختلف صلاحیتاں نال بہترین خدمات ݙتن۔
