اسلام آباد۔24جون (اے پی پی) وزیر داخلہ رانا ثناء اللہ آکھیا جو سابق وزیر اعظم عمران خان کوں گرفتار کر تے جیل اچ سٹݨا چاہیدے اے ملک اچ انارکی کھنڈیندا پئے اتے قوم کیتے سکیورٹی رسک ٻݨیا ہوئے۔ جمعے کوں پارلیمنٹ ہاؤس دے ٻاہر میڈٰیا نال ڳالھ مہاڑ کریندیں ہوئیں انہاں آکھیا جو ملک تے قوم دی جان تے مال دی حفاظت اساݙی پہلی ترجیح اے۔ ہر جماعت کوں احتجاج دا حق اے پر احتجاج پر امن ہووݨا چاہیدے۔ ہک سوال تے انہاں آکھیا جو عمران خان دے آکھݨ تے ہݨ لوک ٻاہر کائنا نکلسن لوک انہاں دی کوڑی اتے گمراہ کن سیاست کوں ڄاݨدن۔ انہاں آکھیا جو عمران خان سیاست کوں گندا کرݨ اچ کوئی کسر نی چھوڑی۔
