آؤ رَل تے پولیو مہم کوں کامیاب ٻݨاؤں، وزیر اعظم شہباز شریف دا ٹویٹ

اسلام آباد۔27جون  (اے پی پی) وزیراعظم محمد شہباز شریف آکھیا جو پاکستان کوں پولیو توں پاک اتے ایں مرض کوں ہمیشہ کیتے ہراوݨا اے۔ سنوار توں شروع تھیوݨ آلی مہم کوں رَل تے کامیاب کرݨے۔ سنوار کوں آپݨے ٹویٹ اچ انہاں آکھیاجو پولیو ہک جان لیوا وائرس اے جیڑھا نہ صرف حیاتی بلکہ ٻالاں دے مستقبل کیتے وی خطرہ اے۔ افسوس دی ڳالھ اے جو اساں اڄاں تئیں پولیو دا پورا خاتمہ نی کر سڳیے۔ آؤ رَل تے پولیو مہم کوں کامیاب ٻݨاؤں۔