اقوام متحدہ۔29جون (اے پی پی):پاکستان سلامتی کونسل تے زور ݙتے جو او جموں و کشمیر جیہے وݙی مدت دے جھیڑیں متعلق اپݨی قرارداداں تے عمل درآمد کوں یقینی بݨاوݨ کیتے سنجیدگی نال غور کرے تے ودھدے چیلنجاں نال نبݨݨ کیتے 15رکنی سلامتی کونسل کوں مزید شفاف، جوابدہ، جامع تے جمہوری بݨایا ونڄݨا چاہیدے۔ اقوام متحدہ اچ پاکستان دے قائم مقام مستقل نمائندہ عامر خان گزریل ݙینھ سلامتی کونسل دے کم کرݨ دے طریقہ کارتے بحث اچ آکھیے جو سلامتی کونسل دی ساکھ کیتے ایندیاں قرارداداں تے ’’سلیکٹیو‘‘ عمل درآمد اتے عدم نفاذ توں زیادہ نقصان دہ کجھ کائنی ۔ انہاں آکھیے سلامتی کونسل دیاں قرارداداں تے عمل درآمد اچ ناکامی ایندی ساکھ کوں خراب کریندیاں پئن اقوام متحدہ دے چارٹر دے اصولاں تے جھیڑیں دے پیسفیک حل کیتے ریاستاں تے عوام دے عزم کوں ختم کرݙیندن۔
