قیام پاکستان دے 75سال،’’عزم عالی شان، شاد رہے پاکستان‘‘ دے عنوان توں خصوصی ’’لوگو‘‘ جاری کرݙتے ، وفاقی وزیر اطلاعات مریم اورنگزیب

اسلام آباد۔29جون  (اے پی پی):وفاقی وزیر اطلاعات و نشریات مریم اورنگزیب آکھیے جو قیام پاکستان دے 75 سال مکمل تھیوݨ تے ڈائمنڈ جوبلی دیاں خوشیاں تے مبارک موقع تے ’’عزم عالی شان، شاد رہے پاکستان‘‘ دے عنوان توں خصوصی ’’لوگو‘‘جاری کرݙتے ، اے پاکستان نال محبت تے ایں عزم دی تجدید اے جو ساݙے بہادر تے عظیم بزرگاں تے شہدا جیں عزم نال پاکستان بݨایا ہئی  ، ایں عزم نال معاشی طور تے اینکوں تکڑا تے خودانحصار، فلاحی مملکت اتے دفاعی لحاظ توں ناقابل تسخیر بݨیسوں ۔ آپݨے ھک ٹویٹ اچ وفاقی وزیر اطلاعات مریم اورنگزیب آکھیے ایں دا مقصد جو قیام پاکستان دے حقیقی مقاصد حاصل تھیون تے عوام دیاں زندگیاں اچ او سوکھ آوے جنہاں دا خواب برصغیر دے مسلماناں ݙٹھا ہئی۔ معاشی خود انحصاری دے وژن توں پاکستان دے نوجوان حقیقی معنے اچ قوم دے معمار بݨسن قومی ترقی دے ثمرات پیسن ۔ انہاں آکھیے تعلیم، روزگار، کاروبار تے زندگی دے سارے شعبیں اچ ہر اول دستہ بݨسن ، اساں آپݨے نینگراں کوں فیصلہ ساز بݨیسوں ، قیام پاکستان وانڳوں ھک اسلامی فلاحی، ترقی یافتہ تے معاشی طور تے خودمختار پاکستان دا خواب وی سچ تھی تے رہسی ۔