اسلام آباد۔30جون (اے پی پی) وفاقی وزیرخزانہ تے محصولات مفتاح اسماعیل آکھیا جو پاکستان دوست ملکاں نال ݙو پاسہ تعلقات ودھاوݨ کوں اہمیت ݙیندا پئے۔ انہاں اے ڳالھ پاکستان اچ جمہوریہ کرغزستان دے سفیرتوتویوف اولن بیک آسان کولووچ نال ملاقات اچ ڳالھ مہاڑ کریندیں ہوئیں آکھی۔ ملاقات اچ پاکستان اتے جمہوریہ کرغزستان وچال مختلف پہلواں دا تفصیل نال جائزہ ڳھدا ڳیا۔ کرغزستان دے سفیرآکھیا جو انہاں دا ملک تجارت، سرمایہ کاری اتے کاروبار دے ذریعہ پاکستان نال تعلقات ودھاوݨ اچ دلچسپی ڳھندا پئے۔
