اسلام آباد۔1جولائی (اے پی پی) وزیرِ اعظم شہباز شریف آکھیا جو اورنج لائن میٹرو بس ( فیض احمد فیض ٹرمینل H-9 توں ائیر پورٹ) اورنج لائن میٹرو بس دے پاسوں لینڈ سکیپنگ پوری کر تے ست ݙینھ اچ رپورٹ ݙیوݨ دا حکم ݙتے۔ میٹرو بس دے کرایے کوں ڳھٹ کر تے عوام دی سہولت کیتے ہک مربوط نظام ٻݨایا ونڄے۔ بھارہ کہو بائی پاس تے وی کم ترجیحی بنیاداں تے شروع کیتا ونڄے۔ جمعے کوں وزیر اعظم آفس دے میڈیا ونگ توں جاری بیان دے مطابق وزیرِ اعظم شہباز شریف دی زیرِ صدارت اسلام آباد میٹرو (اورنج لائن، بلیو لائن، گرین لائن) تے پیش رفت اتے اسلام آباد اچ جاری ترقیاتی منصوبیاں تے جائزہ اجلاس تھیا۔ اجلاس اچ وزیرِ داخلہ رانا ثناء اللہ، وزیرِ اعظم دے مشیر احد چیمہ، طارق فضل چوہدری، حنیف عباسی، انجم عقیل خان، چیئرمین سی ڈی اے اتے متعلقہ اعلی حکام شریک تھیے۔
